O'tkazilgan

Xalqaro ilmiy-amaliy konferensiya: Innovatsion yondashuvlar va pedagogik nazariya amaliyoti

5–6 Iyun, 2026 Buxoro innovatsiyalar universiteti, Guliston kampusi 170 10+

Ma'lumot Videolar Hujjatlar Galereya

Konferensiya haqida

Buxoro innovatsiyalar universitetining Guliston kampusida ilm-fan va ta'lim integratsiyasini yangi bosqichga olib chiqishga qaratilgan «Innovatsion yondashuvlar va pedagogik nazariya amaliyoti: Ta'lim sifatini oshirish istiqbollari» mavzusidagi xalqaro ilmiy-amaliy konferensiya o'z ishini boshladi.

Anjumanning ochilish marosimida universitet rektori Ro'ziyeva Dilnoz Isomjonovna ma'ruza bilan chiqib, bugungi global o'zgarishlar davrida zamonaviy pedagogik texnologiyalarni joriy etish hamda oliy ta'lim sifatini tubdan yaxshilash muhim strategik vazifa ekanligini alohida ta'kidladi va xalqaro anjuman ishiga muvaffaqiyat tiladi.

Mazkur yirik ilmiy platformada dunyoning va mamlakatimizning yetakchi oliygohlari, ilmiy-tadqiqot markazlaridan yuzlab taniqli olimlar, professor-o'qituvchilar hamda yosh tadqiqotchilar ishtirok etdi. Konferensiya doirasida ishtirokchilar zamonaviy ta'lim metodikalari, raqamli pedagogika, nazariya va amaliyot uyg'unligi hamda ta'lim sifatini baholashning xalqaro mezonlari kabi dolzarb yo'nalishlarda o'zaro tajriba almashib, sohani rivojlantirishga xizmat qiladigan yangi yechim va istiqbolli takliflarni muhokama qildilar.

Anjuman yakunida bildirilgan fikr-mulohazalar umumlashtirilib, kelgusidagi hamkorlik aloqalarini mustahkamlash hamda istiqbolli loyihalarni hayotga tatbiq etish yuzasidan aniq vazifalar belgilab olindi. Xalqaro konferensiyaning ilmiy va amaliy ahamiyatini oshirishda munosib hissa qo'shgan faol ishtirokchilar universitet rektori Ro'ziyeva Dilnoz Isomjonovna tomonidan alohida e'tirof etilib, tantanali ravishda «Tashakkurnoma»lar bilan taqdirlandilar.

📊 Konferensiya statistikasi: Jami ishtirokchilar — 170 nafar, shundan ayollar — 92, talabalar — 68, 40 yoshgacha yosh olimlar — 84, xalqaro ishtirokchilar — 10, nashr etilgan tezislar — 170 ta.