Lobar qizlar ko'rik-tanlovi – talaba-qizlar iste'dodini namoyon etdi

8-Mart – Xalqaro xotin-qizlar bayrami munosabati bilan 5-mart kuni Buxoro innovatsiyalar universitetining Guliston kampusida «Lobar qizlar» ko'rik-tanlovi bo'lib o'tdi. Mazkur tanlov iqtidorli, faol va tashabbuskor talaba-qizlarning salohiyatini namoyon etish, ularning iste'dodini qo'llab-quvvatlash hamda bayramona muhit yaratish maqsadida tashkil etildi.

Talaba-qizlar chiqishlari

Ko'rik-tanlov davomida ishtirokchilar turli shartlar asosida o'zlarining bilim, mahorat, ijodkorlik hamda sahna madaniyatini namoyish etdilar. Talaba-qizlar o'z chiqishlari orqali nafaqat o'zlarining ko'p qirrali iste'dodini ko'rsatdilar, balki tomoshabinlarga ko'tarinki kayfiyat ulashib, tadbirga o'zgacha ruh bag'ishladilar.

Taqdirlash marosimi

Tanlov yakunida hakamlar hay'ati tomonidan eng munosib deb topilgan ishtirokchilar faxrli o'rinlarni egallab, diplom hamda esdalik sovg'alari bilan taqdirlandilar. Ushbu tadbir universitetimiz talaba-qizlarining ijtimoiy faolligini oshirish, ularning ijodiy salohiyatini rivojlantirish hamda Xalqaro xotin-qizlar bayramini munosib nishonlashda muhim ahamiyat kasb etdi.